![[ إذا كان الزعل " مزحة " طلبتك قفل الموضوع ] Empty](https://2img.net/i/empty.gif)
سمعتك قبل هالمره تقول أن الزعل مرفوع
علامك كني أشوفك تحاول تبتعد عني !
وش الممنوع علمني ؟ مدامك تعشق الممنوع
تبيني أكتب جروحي على الصفحات وأغني
تبيني أسكت لظلمك وأقول لغلطتك مسموع
غريبه كأنك قبل شوي ما خيبت لي ظني
أنا اللي لافزع قلبك أصير في داخلي مفزوع
وأنا اللي لا عنت رجلك كأني صرت متعني
وأنا اللي لو تبيني [ ماء] أجيلك يالغلا [ ينبوع ]
عيونك لو تبي أحلف وأنا ضميان يسقيني
تجافيني وتهجرني .. وأصبر قلبي المفجوع
وأحاول أخفي الدمعه عليك !! ولو ضحك سني
وإذا ذنبي جعلت إسمك على كف الحشا مطبوع
ذنوبي هي عيوبي لو أتوب أكيد يشقيني
تحسب اني وأنا أجيلك من جذوع الشجر مقطوع
أنا وان كنت ماتدري ترى جذور الشجر مني
وإذا كان الزعل [ مزحه ] طلبتك قفل الموضوع
ترى بعض المزوح جروح بالخافق يكويني
وأنا بصبر على زعلك .. وأقول أن الزعل مرفوع
ولكن أترك أفكاراّ تحاول تبعدك عني ..!
![[♥♥ مـصممـه محترفـه♥♥]](https://2img.net/i/itest/ranks/default/default6.gif "[♥♥ مـصممـه محترفـه♥♥]")